Meeqqanut tapiissutit

Meeqqanut tapiissutinik pisartagaqarsinnaatitaanermi meeqqap 18-it inorlugit ukioqarnissaa aammalu pisartagaqarsinnaatitaasup tapiissutit tunniunneqarsinnaanerannut Kalaallit Nunaanni kommunini angerlarsimaffeqarnissaa inuillu allattorsimaffianni allatsissimanissaa piumasaqaataavoq, aammalu:

 

·         Meeraq imaluunniit pisartagaqarsinnaatitaasoq meeqqanut tapiissutit tunniunneqarsinnaanerannut qallunaatut innuttaassuseqarpat,

·         Imaluunniit ukiuni kingullerni Kalaallit Nunaanni najugaqarsimappat

·         Meerarlu pisortanit pilersorneqanngippat

·         Meerarlu aappaqarluni katissimanngippat

 

Meeqqanut tapiissutit annertussusaat ukiumi pineqartumi inatsisartut aningaasanut inatsisaanni aalajangerneqartarput, aammalu ukiunit kingullerni isertitat akileraarutaasussat inatsisartullu aningaasaqarnermut inatsisaanni isertitanut killigititat aalajangersakkat malillugit tunniunneqartarlutik.

 

Meeqqap angajoqqaani tamaasa najugaqatigippagit meeqqanut tapiissutit anaanaasumut tunniunneqartarput, angajoqqaat akornanni tapiissutit ataataasumut tunniunneqartarnissaannut isumaqatigiittoqarsimanngippat.

 

·         Meeqqap angajoqqaami aappaannaa najugaqatigippagu tapiissutit angajoqqaamut najugaqarfigisaanut tunniunneqassapput.

·         Meeqqallu angajoqqaani assigiimmik paarlakaallugit najugaqarfigisarpagit tapiissutit angajoqqaamut meeqqap inuit allattorsimaffianni allatsiffigisimasaanut tunniunneqartarput[1].

 

Meeqqanut tapiissutit Inatsisartut inatsisaat nr. 9 7. decembari 2009-meersoq meeqqanut tapiissutit pillugit 1. marsi 2010-mi atuutilersoq malillugu tunniunneqartarput.